2015 جىلعى 28 ءساۋىر, استانا قالاسى
«ءبىلىم جانە عىلىم قىزمەتكەرلەرىن كوتەرمەلەۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشىنىڭ 2013 جىلعى 8 تامىزداعى № 324 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
بۇيىرامىن:
1. «ءبىلىم جانە عىلىم قىزمەتكەرلەرىن كوتەرمەلەۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشىنىڭ 2013 جىلعى 8 تامىزداعى № 324 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8676 بولىپ تىركەلگەن, «ەگەمەن قازاقستان» 26 قىركۇيەكتەگى 2013 ج. № 220 (28159) سانىندا جاريالانعان) مىناداي وزگەرىستەر مەن تولىقتىرۋلار ەنگىزىلسىن:
بۇيرىقتىڭ اتاۋى كەلەسى رەداكتسيادا جازىلسىن:
«قازاقستان رەسپۋبليكاسى ءبىلىم جانە عىلىم مينيسترلىگىنىڭ سالالىق كوتەرمەلەۋ جۇيەسىن بەكىتۋ تۋرالى»;
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان قازاقستان رەسپۋبليكاسى ءبىلىم جانە عىلىم مينيسترلىگىنىڭ سالالىق كوتەرمەلەۋ جۇيەسى بەكىتىلسىن.»;
اتالعان بۇيرىقپەن بەكىتىلگەن ءبىلىم جانە عىلىم قىزمەتكەرلەرىن كوتەرمەلەۋ جونىندەگى نۇسقاۋلىققا:
اتاۋى مىناداي رەداكتسيادا جازىلسىن:
«قازاقستان رەسپۋبليكاسى ءبىلىم جانە عىلىم مينيسترلىگىنىڭ سالالىق كوتەرمەلەۋ جۇيەسى»;
1-تارماق مىناداي رەداكتسيادا جازىلسىن:
«1. وسى قازاقستان رەسپۋبليكاسى ءبىلىم جانە عىلىم مينيسترلىگىنىڭ سالالىق كوتەرمەلەۋ جۇيەسى (بۇدان ءارى – كوتەرمەلەۋ) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنا جانە «قازاقستان رەسپۋبليكاسى ۇكىمەتىنىڭ قۇرىلىمىنا كىرەتىن كەيبىر مەملەكەتتىك ورگانداردىڭ ۆەدومستۆولىق ناگرادالارى تۋرالى» قازاقستان رەسپۋبليكاسى ۇكىمەتىنىڭ 2011 جىلعى 15 جەلتوقسانداعى № 1539 قاۋلىسىنا سايكەس ازىرلەنگەن.»;
وسى بۇيرىقتىڭ جانە ونىڭ قوسىمشاسىنىڭ بارلىق ءماتىنى بويىنشا «ءبىلىم جانە عىلىم قىزمەتكەرلەرىن كوتەرمەلەۋ جونىندەگى نۇسقاۋلىق» دەگەن سوزدەرى «قازاقستان رەسپۋبليكاسى ءبىلىم جانە عىلىم مينيسترلىگىنىڭ سالالىق كوتەرمەلەۋ جۇيەسى» سوزدەرىمەن, ال «نۇسقاۋلىق» دەگەن ءسوز «كوتەرمەلەۋ» دەگەن سوزبەن اۋىستىرىلسىن.
6-تارماق مىناداي رەداكتسيادا جازىلسىن:
«6. ءبىلىم بەرۋ سالاسىنداعى جەرگىلىكتى اتقارۋشى ورگاندار, جوعارى وقۋ ورىندارى, سونداي-اق عىلىمي ۇيىمدار مەن مەكەمەلەر مينيسترلىكتىڭ قۇرىلىمدىق بولىمشەلەرى مەن ۆەدومستۆولارىنا ماراپاتتاۋ ماتەريالدارىن وسى كوتەرمەلەۋدىڭ 8-تارماعىندا بەلگىلەنگەن مەرەكە داتالارىنان كۇنتىزبەلىك وتىز كۇن بۇرىن جولدايدى.
مينيسترلىكتىڭ قۇرىلىمدىق بولىمشەلەرى مەن ۆەدومستۆولارى الىنعان كۇنىنەن باستاپ 3 جۇمىس كۇنى ىشىندە ماراپاتتاۋ ماتەريالدارىن مينيسترلىكتىڭ كادر قىزمەتىنە ۇسىنادى.»;
8, 9 جانە 10-تارماقتار مىناداي رەداكتسيادا جازىلسىن:
8. ءبىلىم جانە عىلىم سالاسىنداعى قىزمەتكەرلەردى ماراپاتتاۋ تۋرالى ۇسىنىستار ۇلتتىق مەرەكە – «تاۋەلسىزدىك كۇنىن», كاسىبي مەرەكەلەر – «عىلىم قىزمەتكەرلەرى كۇنىن», «ءبىلىم كۇنىن», «ەڭبەك كۇنىن» جانە «مۇعالىم كۇنىن» مەرەكەلەۋ جاعدايى بويىنشا قارالادى.
9. ماراپاتتاۋ ماتەريالدارى مينيسترلىكتىڭ ۆەدومستۆولىق ناگرادالار جونىندەگى كوميسسياسىنىڭ (بۇدان ءارى – كوميسسيا) وتىرىسىندا قارالادى. كوميسسيا شەشىمى حاتتامامەن رەسىمدەلەدى جانە مينيسترلىكتىڭ جاۋاپتى حاتشىسىنىڭ قاراۋىنا ەنگىزىلەدى.
10. توسبەلگىمەن, مينيسترلىكتىڭ «قۇرمەت گراموتاسىمەن» ماراپاتتاۋ, مينيسترلىكتىڭ العىسىن جاريالاۋ قازاقستان رەسپۋبليكاسى ءبىلىم جانە عىلىم ءمينيسترىنىڭ (بۇدان ءارى – مينيستر) كەلىسىمى بويىنشا مينيسترلىكتىڭ جاۋاپتى حاتشىسىنىڭ بۇيرىعىمەن جۇزەگە اسىرىلادى.»;
17 جانە 18-تارماقتار مىناداي رەداكتسيادا جازىلسىن:
17. ۆەدومستۆولىق ناگرادادان ايىرىلعان ادام ونى مينيسترلىكتىڭ جاۋاپتى حاتشىسىنىڭ ءتيىستى بۇيرىعى قابىلدانعان كۇننەن باستاپ ءبىر اي ىشىندە مەملەكەتتىك ورگانعا قايتارادى.
18. «ى. التىنسارين», «عىلىمدى دامىتۋعا سىڭىرگەن ەڭبەگى ءۇشىن», «ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرى, «ەڭبەك ارداگەرى» مەدالى, مينيسترلىكتىڭ «قۇرمەت گراموتاسى», مينيسترلىكتىڭ العىسى ۇلتتىق مەرەكە – «تاۋەلسىزدىك كۇنىن», كاسىبي مەرەكەلەر – «عىلىم قىزمەتكەرلەرى كۇنىن», «ءبىلىم كۇنىن», «ەڭبەك كۇنىن» جانە «مۇعالىم كۇنىن» مەرەكەلەۋ جاعدايى بويىنشا تاپسىرىلادى.»;
20-تارماق مىناداي رەداكتسيادا جازىلسىن:
20. ءاربىر ماراپاتتالۋشىعا ۆەدومستۆولىق ناگرادالاردى تاپسىرۋمەن ءبىر مەزگىلدە ماراپاتتاۋ تۋرالى ءتيىستى كۋالىك بەرىلەدى.
مينيسترلىكتىڭ قۇرىلىمدىق بولىمشەلەرى مەن ۆەدومستۆولارىنىڭ باسشىلارىن قوسپاعاندا, مينيسترلىكتىڭ جانە ونىڭ ۆەدومستۆولارىنىڭ قىزمەتكەرلەرىن ماراپاتتاۋ تۋرالى كۋالىككە مينيسترلىكتىڭ جاۋاپتى حاتشىسى قول قويادى.
قالعان جاعدايلاردا ماراپاتتاۋ تۋرالى كۋالىككە مينيستر قول قويادى.»;
مىناداي مازمۇنداعى 20-1, 20-2, 20-3, 20-4, 20-5, 20-6, 20-7, 20-8 جانە 20-9-تارماقتارمەن تولىقتىرىلسىن:
«20-1. ءتيىستى بۇيرىقپەن بەكىتىلمەگەن جانە وسى كوتەرمەلەۋدىڭ 20-تارماعىندا كورسەتىلگەن لاۋزىمدىق تۇلعالاردىڭ قولى قويىلماعان ۆەدومستۆولىق ناگرادالارمەن, سونداي-اق مينيسترلىكتىڭ «قۇرمەت گراموتاسىمەن», مينيسترلىكتىڭ العىسىمەن ماراپاتتاۋ تۋرالى كۋالىكتەر جارامسىز بولىپ تابىلادى.
20-2. بiر ناگرادامەن قايتا ماراپاتتاۋعا جول بەرىلمەيدى.
20-3. «ى. التىنسارين», «عىلىمدى دامىتۋعا سىڭىرگەن ەڭبەگى ءۇشىن» جانە «ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرىمەن ماراپاتتاۋ مينيسترلىكتىڭ «قۇرمەت گراموتاسى», مينيسترلىكتىڭ العىسى بولعان جاعدايدا جۇرگىزىلەدى.
20-4. توسبەلگىمەن كەلەسى ماراپاتتاۋ كەمىندە ءۇش جىلدان كەيىن جۇرگىزىلەدى.
20-5. مەدالدار كەۋدەنىڭ سول جاعىنا تاعىلادى, قازاقستان رەسپۋبليكاسىنىڭ مەملەكەتتiك ناگرادالارى بولعان كەزدە ولار سولاردان كەيiن ورنالاسادى.
توسبەلگىلەر كەۋدەنىڭ وڭ جاعىنا تاعىلادى. نىسانى جانە ولشەمى بويىنشا مەدالدارعا ارنالعان تاعاندارعا سايكەس كەلەتىن تاعاندار بولعان جاعدايدا توسبەلگىلەر كەۋدەنىڭ سول جاعىنا تاعىلادى.
20-6. ۆەدومستۆولىق ناگرادالار مەن ولاردىڭ قۇجاتتارىن قالپىنا كەلتىرۋ وسى كوتەرمەلەۋدىڭ ەرەجەلەرىمەن رەتتەلەدى.
ۆەدومستۆولىق ناگرادالار مەن ولاردىڭ قۇجاتتارى جوعالعان, ۇرلانعان نەمەسە ب ۇلىنگەن جاعدايدا ماراپاتتالعان ادامدار وزدەرىنىڭ ناگرادالارى مەن ولاردىڭ قۇجاتتارىنا قۇقىقتارىن ساقتاپ قالادى.
20-7. «ى. التىنسارين», «عىلىمدى دامىتۋعا سىڭىرگەن ەڭبەگى ءۇشىن», «ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرى مەن «ەڭبەك ارداگەرى» مەدالى, سونداي-اق ولاردىڭ قۇجاتتارى جوعالعان (جوعالتقان, ۇرلانعان, ب ۇلىنگەن) جاعدايدا ولاردىڭ تەلنۇسقالارى كوميسسيانىڭ شەشىمىمەن بەرىلۋى مۇمكىن.
20-8. تۇلعا ۆەدومستۆولىق ناگرادالار مەن ولاردىڭ قوسىمشالارى جوعالعان, ب ۇلىنگەن جانە وزگە دە جاعدايلاردا تابيعي اپاتتار ء(ورت, سۋ تاسقىنى, جەر سىلكىنۋ) سالدارىنان بولعان وزىنە بايلانىستى ەمەس ءمان-جايلار نەمەسە وزىنە قاتىستى زاڭسىز ارەكەتتەردىڭ (توناۋ, ۇرلاۋ) جاسالۋى بويىنشا جوعالۋ سەبەپتەرىن كورسەتە وتىرىپ, تەلنۇسقالاردى بەرۋ تۋرالى جازباشا وتىنىشپەن مينيسترلىكتىڭ كادر قىزمەتىنە جۇگىنە الادى.
وتىنىشكە:
1) جەكە باسىن راستايتىن قۇجاتتىڭ كوشىرمەسى;
2) ءوتىنىش يەسىنىڭ ماراپاتتالعانىن راستايتىن قۇجاتتاردىڭ كوشىرمەلەرى;
3) ءوتىنىش بەرۋشى بويىنشا بۇرىن ماراپاتتاۋ ماتەريالدارىن جولداعان ءبىلىم بەرۋ سالاسىنداعى جەرگىلىكتى اتقارۋشى ورگانداردان نەمەسە جوعارى وقۋ ورىندارىنان نەمەسە عىلىمي ۇيىمدار مەن مەكەمەلەردەن انىقتاما;
3) مىنا جاعدايدا:
جوعالسا – تابىلعان زاتتار ۇستەلىنەن الىنعان انىقتاما;
ب ۇلىنسە – فورس-ماجور جاعدايىنىڭ بولعانىن راستايتىن قۇزىرەتتى ورگانداردىڭ قۇجاتفتارى;
ۇرلانسا – ىشكى ىستەر ورگاندارىنان قۇجاتتىڭ ۇرلانعانى تۋرالى انىقتاما قوسا بەرىلەدى.
20-9. «ى. التىنسارين», «عىلىمدى دامىتۋعا سىڭىرگەن ەڭبەگى ءۇشىن», «ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرى جانە «ەڭبەك ارداگەرى» مەدالى جوعالعان كەزدە وتىنىشكە ماراپاتتاۋ تۋرالى كۋالىكتىڭ تۇپنۇسقاسى قوسا بەرىلەدى.
ماراپاتتاۋ تۋرالى كۋالىكتىڭ تەلنۇسقاسى «تەلنۇسقا» ءسوزى جازىلىپ, قولدانىستاعى ۇلگىدەگى بلانكىلەردە بەرىلەدى.»;
24-تارماق مىناداي رەداكتسيادا جازىلسىن:
«24. «ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن وقۋشىلاردىڭ, تاربيەلەنۋشىلەردىڭ جانە ستۋدەنتتەردىڭ ءوز بەتىمەن دامۋىن, ولاردىڭ وقۋىن دارالاندىرۋدى قامتاماسىز ەتەتىن ساباقتاردى, ءبىلىمدى باقىلاۋدى ۇيىمداستىرۋدىڭ جانە وتكىزۋدىڭ بەلسەندى نىساندارى مەن ادىستەرىن جانە جاڭا ينتەراكتيۆتىك تەحنولوگيالاردى وقۋ پروتسەسىنە ەنگىزگەنى, ءبىلىم الۋشىلاردىڭ عىلىمي-زەرتتەۋ جانە جوبالىق-كونسترۋكتورلىق قىزمەتىنە باسشىلىق جاساۋداعى تابىستارى, وڭىرلىك, رەسپۋبليكالىق, حالىقارالىق ءبىلىم جانە عىلىمي-تەحنيكالىق باعدارلامالار مەن جوبالارداعى جەتىستىكتەرى, ءبىلىم بەرۋدىڭ وزەكتى ماسەلەلەرى بويىنشا زەرتتەۋلەرى, ءبىلىم بەرۋ جۇيەسىنىڭ وقىتۋشى كادرلارىن دايارلاۋداعى جانە ولاردىڭ پەداگوگيكالىق جانە عىلىمي بىلىكتىلىكتەرىن ارتتىرۋداعى, مامانداردى قايتا دايارلاۋداعى سىڭىرگەن ەڭبەگى, وقۋ ادەبيەتىن ازىرلەۋدەگى جانە وقۋ قۇرالدارى مەن جابدىقتارىن شىعارۋداعى جەتىستىكتەرى, ءبىلىم بەرۋ ۇيىمدارىنىڭ قارجى-شارۋاشىلىق قىزمەتىن ۇيىمداستىرۋداعى, ماتەريالدىق-تەحنيكالىق جانە ەكسپەريمەنتتىك-وندىرىستىك بازاسىن دامىتۋ مەن نىعايتۋداعى جەتىستىكتەرى ءۇشىن ءبىلىم جانە عىلىم ورگاندارى مەن ۇيىمدارىندا 10 جىل جانە ودان دا كوپ جۇمىس ءوتىلى جانە جوعارى نەمەسە ءبىرىنشى بىلىكتىلىك ساناتى بار (پەداگوگ قىزمەتكەرلەر ءۇشىن) قىزمەتكەرلەر ماراپاتتالادى.»;
مىناداي مازمۇنداعى 24-1-تارماقپەن تولىقتىرىلسىن:
«24-1. «ەڭبەك ارداگەرى» مەدالىمەن (ناقتى سالاعا بايلانىستىرماي) 40 جىلدان استام, ونىڭ ىشىندە ءبىر سالادا كەمىندە 10 جىل جۇمىس ءوتىلى بار, سونداي-اق ەڭبەك قىزمەتىندە جوعارى ناتيجەلەرگە قول جەتكىزگەن قىزمەتكەرلەر جانە زەينەتكەرلىك جاسقا جەتكەن ادامدار ماراپاتتالادى.»;
25-تارماق مىناداي رەداكتسيادا جازىلسىن:
25. مينيسترلىكتىڭ «قۇرمەت گراموتاسىمەن» ءبىلىم جانە عىلىم ورگاندارى مەن ۇيىمدارىندا كەمىندە بەس جىل جۇمىس ءوتىلى بار قىزمەتكەرلەر عىلىمي پەداگوگيكالىق كادرلاردى دايارلاۋ, قايتا دايارلاۋ جانە بىلىكتىلىگىن ارتتىرۋ جونىندەگى زور جانە جەمىستى ەڭبەگى, ءبىلىم بەرۋ جانە تاربيەلەۋ پروتسەسىنە وقىتۋدىڭ جاڭا تەحنولوگيالارىن, نىساندارى مەن ادىستەرىن ەنگىزگەنى جانە وقىتۋ مەن تاربيەلەۋدىڭ بىرتۇتاستىعىن قامتاماسىز ەتكەنى, ىرگەلى جانە قولدانبالى عىلىمنىڭ وزەكتى پروبلەمالارى جونىندەگى, ونىڭ ىشىندە ءبىلىم بەرۋ پروبلەمالارى جونىندەگى عىلىمي زەرتتەۋلەردى دامىتقانى, وڭىرلىك, رەسپۋبليكالىق, حالىقارالىق ءبىلىم بەرۋ جانە عىلىمي-تەحنيكالىق باعدارلامالار مەن جوبالارداعى, عىلىمنىڭ, تەحنيكانىڭ جانە مادەنيەتتىڭ باسىم باعىتتارى بويىنشا وڭىرلىك جوعارى وقۋ ورىندارى اراسىنداعى باعدارلامالاردى ىسكە اسىرۋداعى جەتىستىكتەرى, وقۋشىلاردى, تاربيەلەنۋشىلەردى, ستۋدەنتتەردى جانە تىڭداۋشىلاردى پراكتيكالىق دايارلاۋداعى, ولاردىڭ شىعارماشىلىق بەلسەندىلىگى مەن دەربەستىگىن
دامىتۋداعى تابىستارى, وقىتۋداعى زور تابىستارى, جوعارى بىلىكتى مامانداردى پراكتيكالىق دايارلاۋدا, ماتەريالدىق-تەحنيكالىق بازالاردى دامىتۋدا ءبىلىم بەرۋ ۇيىمدارىنا تۇراقتى جانە بەلسەندى كومەگى ءۇشىن ماراپاتتالادى.
مينيسترلىكتىڭ «قۇرمەت گراموتاسىمەن» ماراپاتتاۋ تۋرالى شەشىمدى مينيسترلىكتىڭ قۇرىلىمدىق بولىمشەلەرى, ونىڭ ۆەدومستۆولارى مەن اۋماقتىق ورگاندارى, ءبىلىم بەرۋ سالاسىنداعى جەرگىلىكتى اتقارۋشى ورگاندار, جوعارى وقۋ ورىندارى, سونداي-اق عىلىمي ۇيىمدار مەن مەكەمەلەر باسشىلارىنىڭ ۇسىنىسى بويىنشا مينيستر قابىلدايدى.»;
مىناداي مازمۇنداعى 25-1-تارماقپەن تولىقتىرىلسىن:
«25-1. مينيسترلىكتىڭ «قۇرمەت گراموتاسىنا» وسى كوتەرمەلەۋدىڭ 20-تارماعىندا كورسەتىلگەن لاۋازىمدى تۇلعالار قول قويادى.»;
26-تارماق مىناداي رەداكتسيادا جازىلسىن:
26. مينيسترلىكتىڭ العىسى قازاقستان رەسپۋبليكاسى ءبىلىم جانە عىلىم مينيسترلىگى نەمەسە ءبىلىم بەرۋدى باسقارۋ ورگاندارى ۇيىمداستىراتىن جەكەلەگەن, بىرجولعى ءىس-شارالاردى (كونكۋرستار, وليمپيادالار, بايقاۋلار, كورمەلەر) وتكىزگەنى, قازاقستان رەسپۋبليكاسى ءبىلىم جانە عىلىم مينيسترلىگىنىڭ تاپسىرمالارىن جوعارى دەڭگەيدە ورىنداعانى, ەڭبەك, وقۋ, تاربيە جانە اكىمشىلىك قىزمەتىندەگى تابىستارى ءۇشىن ۇزدىك ءبىلىم جانە عىلىم سالاسى قىزمەتكەرلەرىنە, سونداي-اق باسقا ۇيىمداردىڭ قىزمەتكەرلەرىنە جاريالانادى.»;
مىناداي مازمۇنداعى 26-1-تارماقپەن تولىقتىرىلسىن:
«26-1. مينيسترلىكتىڭ العىسى ماتىنىنە وسى كوتەرمەلەۋدىڭ 20-تارماعىندا كورسەتىلگەن لاۋازىمدى تۇلعالار قول قويادى.».
2. اكىمشىلىك دەپارتامەنتى (ا. قايىربەكوۆا) زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەن سوڭ وسى بۇيرىقتى رەسمي جاريالاۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم مينيسترلىگىنىڭ جاۋاپتى حاتشىسى ءا.ق. عالىموۆاعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ءسارىنجىپوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 2 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11249 بولىپ ەنگىزىلدى.